Kryeministri Zoran Zaev përmes një statusi në rrjetin social Facebook ka përshëndetur vendimin e Këshillit të Ministrave për nisjen e bisedimeve për anëtarësim të Maqedonisë në qershor të vitit 2019.

“Një ditë e madhe për Republikën e Maqedonisë. Edhe një njohje e madhe për vendin tonë.

Këshilli i Ministrave për Punë të Jashtme të vendeve anëtare të Bashkimit Evropian, në seancën e sotme ka marr vendim që bisedimet për anëtarësim të Republikës së Maqedonisë të fillojnë në qershor të vitit 2019. Bashkimi Evropian dhe liderë e të gjitha vendeve anëtare e njohën Maqedoninë si vend i ndryshimeve pozitive, në proces dinamik të reformave dhe në dialog shoqëror. Shteti që me vullnet politik të fuqishëm dhe qëllimmirë zgjidh kontestet me fqinjët dhe vend i qytetarëve të cilët treguan se kanë vizion të qartë për të ardhmen evropiane.

Rruga për reformat dhe ndërtimi i vendit tonë si shtet me rregulla evropiane, është proces i pakthyeshëm. Mbetemi tek reformat. Para neve është qëllimi konkret.

Tash qytetarët e Republikës së Maqedonisë mund të thonë fuqishëm dhe lirshëm – Po, për Maqedoninë Evropiane! “Po” e fuqishme për të ardhmen e Maqedonisë, dhe ardhmërinë e përbashkët”, shkruan Zoran Zaev./telegrafi